Иако може да изгледа безопасно, обвинувањето на вашиот партнер (или себеси) за секој проблем може да стане навика во врската што на крајот може да предизвика нејзин прекин.

Оваа навика полека ја исцрпува виталната енергија од љубовната врска. Честопати не сме свесни дека го правиме тоа и не сфаќаме колку е лошо за нашето тело и душа. Сметаме дека чувството на вина ќе „поправи“ што и да се случува во врската или ќе го натера нашиот партнер да се промени, но тоа создава поголема болка и дистанца.

Што крие „зависноста од вина“ во вашата врска? Кога го обвинувате партнерот, привремено го тргате фокусот од себе и го префрлате на другата личност. Наместо да ја преземете одговорноста за вашата улога во ситуацијата, вие всушност само го „одвлекувате вниманието“ и тоа многу ефикасно.

Вината создава интензивни чувства, но не и добри. Наместо да се здружите за да го решите проблемот, вие „покажувате со прст“ еден кон друг и се обидувате да докажете дека сте „во право“ – што на крајот не води никаде, пишува „Јутанго“.

Исто како и другите навики, потребата за обвинување ескалира и почнува да го зазема нашето размислување. Не можеме да поминеме еден час без критичка мисла или бараме причини за обвинување секогаш кога можеме, мислејќи дека тоа ќе доведе до конечно решение.

Наместо да ја насочите целата своја енергија на „победа во расправијата“ или „да бидете во право“ и да се жалите еден на друг, попаметно е да се фокусирате на она што ќе ве направи среќни и задоволни како поединци и како пар.