Во сезоната на дуњите, повеќето домаќинки се определуваат да направат слатко од ова овошје, кое некогаш било неизбежено во шпајзот на нашите баби.

Иако денес ова слатко се подготвува од сечкани дуњи, според стариот рецепт важно е да се изренда овошјето и да се комбинира со сечкани ореви, за слаткото да биде што повкусно.

Состојки:

– 2 килограми дуњи
– 1 килограм шеќер
– 300 грама ореви
– 800 милилитри вода

Подготовка:

Измијте ги дуњите, излупете ги и изрендајте ги, па оставете ги настрана. Ситно исечкајте ги оревите, па и нив оставете ги настрана.

Во тенџере сипете шеќер, прелијте го со вода и варете додека не зоврие. Потоа во тенџерето додадете ги ренданите дуњи и варете сè заедно околу 45 минути.

Кога слаткото ќе се свари, сипете го во стерилизирани тегли со тоа што во теглата прво ќе ставите црпалка слатко, а потоа ред сечкани ореви и така продолжете додека не ја наполните теглата до врвот.

Затворете ги теглите и чувајте ги на суво и ладно место.

На здравје!