Првите луѓе на НБА кошаркарскиот клуб Њујорк никс го отпуштија главниот тренер Том Тибодо, една година откако го продолжија договорот со него.

Откако беа елиминирани од Индијана пејсерс во финалето на Источната конференција, од Никс решија да ја прекинат соработката со својот главен тренер.

Поради тој потег, клубот е обврзан да му плати на Тибодо гарантирани 30 милиони долари за тригодишно продолжување на договорот.

Тибодо ги предводеше Никси до нивното прво финале на Истокот од 2000 година. Тој ја заврши сезоната со 51 победа и 31 пораз и го освои третото место пред плеј-офот во НБА лигата.

Њујорк стигна до финалето на Истокот, победувајќи ги Детроит пистонс (4:2) и Бостон селтикс (4:2), а потоа беа поразен од Индијана (4:2).