НБА лигата ја донесе одлуката за суспензијата по масовната тепачка помеѓу Детроит пистонс и Минесота тимбервулвс, која се случи во втората четвртина од натпреварот во Минеаполис.

Иако „Волците“ победија со 123:104, резултатот остана во сенка на физичката пресметка која ескалира по прекршокот на Рон Холанд врз Наз Рид. Откако двајцата се судрија вербално, ситуацијата стана хаотична кога се вмешаа Донте ДиВинченцо и други играчи.

НБА најстрого го казни Исаја Стјуарт, суспендирајќи го на два натпревари без плата, наведувајќи ја „повторената историја на неспортско однесување“, како што нагласи Џо Думарс, шефот за кошаркарски операции во лигата. Останатите учесници во инцидентот – Рон Холанд и Маркус Сасер од Пистонс и Наз Рид и Донте ДиВинченцо од Тимбервулвс – добија суспензија од еден натпревар.

Поради ова, Тимбервулвс во вторник ќе играат против Денвер без суспендираните играчи, додека Пистонс ќе бидат ослабени во дуелот со Оклахома сити ден подоцна.

Сите инволвирани играчи веќе беа исклучени во текот на самиот натпревар откако им беа досудени технички грешки.