Грчкиот кошаркар Јанис Адетокунбо е прогласен за МВП на неделата во Источната конференција на НБА лигата.

Играчот на Милвоки бакс имаше просек од 36 поени, 12,3 скокови и 13,7 асистенции, а тимот од Висконсин забележа четири победи во тој период.

Адетокунбо по 25-ти пат ја доби оваа награда, оставајќи го зад себе можеби најголемиот на сите времиња Мајкл Џордан на вечната листа.

Сега е израмнет со Џејмс Харден на четвртото место. Пред нив се само Коби Брајант и Кевин Дурент со 33 и неприкосновениот Леброн Џејмс, кој по 69-ти пат беше прогласен за играч на неделата.

Најдобар на Западот беше Кавај Ленард, кој блеска во дресот на Клиперс. Тој имаше 24 поени и 5,8 скокови во четирите победи на тимот од Лос Анџелес.