Иако претходно беше најавено дека постои план навивачите во Англија да се вратат на стадионите на 1. октомври, таа идеја пропадна, јавува Би-Би-Си.

Новите мерки за враќањето на навивачите на стадионите беа разгледувани на почетокот од месецот кога состојбата со новозаболените од коронавирус не беше толку сериозна.
Планот на англиската Влада беше во наредните шест недели да има не повеќе од 1.000 навивачи на трибините.

Но, состојбата со ковид-19 во Англија повторно е алармантна, Владата ја крена заканата на ниво 4, што значи „високо или со експоненцијален раст“.
Поради тоа, враќањето на навивачите е одложено, а новите мерки ќе ги објави премиерот Борис Џонсон во текот на денот.