Јулија Навалнаја, вдовица на рускиот опозициски лидер Алексеј Навални, изјави дека лабораториските тестови покажале дека нејзиниот сопруг бил отруен, според Ројтерс.

По смртта на Навални во руски затвор на 16 февруари 2024 година, неговиот тим успеал да земе негови биолошки примероци и да ги испрати во странство во лаборатории во две западни земји.

Тие спроведоа истраги и потврдија дека Алексеј Навални бил отруен, како што изјави неговата сопруга, пренесе руската независна агенција Медуза.

„А што ќе се случи сега? Не знам. Руски државјанин е убиен на територијата на Русија, а сите докази се таму. Западните земји немаат законска причина да покренат и водат кривична постапка“, додаде Јулија Навалнаја.