Со акцент на овошјето, зеленчукот и мешунките, медитеранската исхрана со години се наоѓа на врвот поради нејзините повеќекратни здравствени придобивки. Сега, новото истражување покажува дека исто така може да помогне да се надмине неплодноста, што ја прави ненаметлива и прифатлива стратегија за паровите кои се обидуваат да зачнат.

Спроведена од Универзитетот Монаш, Универзитетот на Саншајн коуст и Универзитетот во Јужна Австралија, прегледот покажа дека медитеранската исхрана може да ја подобри плодноста, успехот на асистираната репродуктивна технологија (АРТ) и квалитетот на спермата кај мажите, објави „ScienceDaily“.

Поточно, истражувачите идентификуваа дека противвоспалителните својства на медитеранската исхрана може да ги подобрат шансите за зачнување кај паровите.

Неплодноста е глобална здравствена грижа која влијае на 48 милиони парови и 186 милиони поединци ширум светот.

Медитеранската исхрана поттикнува консумирање на храна како што се житарки од цели зрна, риба, екстра девствено маслиново масло, зеленчук и јаткасти плодови, додека го ограничува црвеното и преработеното месо.

Имено, оваа исхрана го намалува ризикот од кардиоваскуларни болести, го намалува ризикот од смртност и помага во остварувањето на други здравствени предности.

Новите резултати велат дека антивоспалителните својства на оваа популарна диета, исто така, ги зголемуваат шансите за зачнување преку поттикнување на плодноста кај жените, но и кај мажите.

„Придржувањето на оваа диета е генерално поврзано со подобрени исходи на плодноста кај жените и мажите за кои се смета дека се појавуваат со посредство на противвоспалителните патишта“, навеле тие.

Еден од главните авторки на студијата, Еванџелине Манциорис, истакнала дека со ова истражување сакале да утврдат дека исхраната што го намалува воспалението може да ги подобри резултатите од плодноста.

„Охрабрувачки е што пронајдовме постојани докази дека со придржувањето на противвоспалителната диета, онаа која вклучува многу полинезаситени или здрави масти, флавоноиди како што е лиснатиот зелен зеленчук и ограничени количини црвено и преработено месо, можеме да ја подобриме плодноста“, навела Манциорис.

Инаку, шеста година по ред медитеранската исхрана е најдобрата програма за исхрана на светот, според проценките објавени од „Ју-ес њуз енд ворлд рипорт“. Како најдобра диета на светот за 2023 година, медитеранската исхрана ја нагласува важноста на квалитетни извори и „полнење чинии“ со храна богата со хранливи материи, со акцент на свежи производи, немасни протеини како што се риба и пилешко и секако, маслиново масло богато со антиоксиданти.

Здравите масти од извори како што се маслиновото масло и авокадото се во прв план. Исто така, ќе можете да уживате во изобилство на мрсни риби богати со протеини, заедно со цели зрна и богати мешунки, јаткасти плодови и семки кои обезбедуваат повеќе влакна и растителни протеини, тврдат нутриционистите.