Научниците Џулијан Ферли и Дејвид Вечман по повеќе од 40 години идентификуваа мистериозна хемикалија која со децении е присутна во водата за пиење низ САД.

Хемикалијата, наречена хлоронитрамид анјон, се создава како нуспроизвод од разградувањето на хлороамин, хемикалија која многу пречистителни станици ја користат за да ја направат водата безбедна за пиење, пишува „Си-eн-eн“. Околу 113 милиони луѓе во САД се изложени на оваа хемикалија.

Иако научниците сѐ уште не знаат дали оваа хемикалија е штетна за луѓето, тие истакнуваат дека нејзините својства наликуваат на други токсични материи кои Агенцијата за заштита на животната средина (ЕПА) веќе ги регистрирала. Проблемот со хемикалиите во водата не е нов, истакнува „Си-eн-eн“.

Низ историјата, употребата на хлор во прочистувањето на водата го решила проблемот со опасните бактерии, но долгорочното консумирање на таква вода е поврзано со поголем ризик од заразување со одредени болести, како што е ракот. Иако хлорот е безбеден во мали количини, тој создава токсични нуспроизводи во контакт со природните елементи во водата, поради што неговите концентрации и денес се следат.

За да се намали овој проблем, многу фабрики се префрлија на хлороамин, што создава постабилен и долготраен ефект. Експертите советуваат дека оваа хемикалија може да се отстрани доколку се користи филтер.