После големиот успех на одбојкарите кои повторно ќе бидат дел од еден континентален собир годинава, истото ќе се обидат да го направи и најдобрата македонска кошаркарска репрезентација.

И покрај стартните два порази дома од Естонија (72:81) и на гости од Русија (77:67), и натаму постојат шансите за нашата селекција да биде дел од наредното Европско првенство.

Избраниците на селекторот Александар Тодоров ќе ги одиграат решавачките натпревари од квалификациите наредниот месец.

Натпреварувачката комисија на ФИБА веќе ги одлучи и термините на турнирот кој ќе се одржи во Арената „Молот“ во Перм (Русија), многу извесно без присуство на публика поради ситуацијата со ковид-19.

Веројатно пресудниот меч за пласман на завршниот турнир на најдобрите европски селекции, против Естонија ќе го имаме на на 22. февруари, со почеток од 15.00 часот по македонско време, односно во 19.00 по локално.

РАСПОРЕД НА НАТПРЕВАРИТЕ НА ТУРНИРОТ ВО ПЕРМ

18.ФЕВРУАРИ

Италија – Македонија

19:30 локално време (15:30 во Скопје)

19.ФЕВРУАРИ

Македонија – Русија

19:30 локално време (15:30 во Скопје)

21. ФЕВРУАРИ

Македонија – Италија

17:00 локално време (13:00 во Скопје)

22. ФЕВРУАРИ

Естонија – Македонија

19:00 локално време (15:00 во Скопје)