Пандемијата на коронавирусот продолжува, а сезоната на грип и настинки е во полн ек, што значи дека здравјето на имунитетот и понатаму е примарно.

Имунолошкиот систем се однесува на цела армија од клетки, хемикалии и процеси, кои неуморно работат за да го заштитат нашето тело од туѓите напаѓачи. Ако помош за вашиот имунитет барате во витамините, минералите и суплементите, секако направете го тоа, а лекарите додаваат дека во овој случај е важно да се изберат вистинските и додаваат: „Иако е комплицирано директно да се измери состојбата на имунитетот, притоа може да ви помогнат информациите за тоа колку често сте имале грип и настинки и колку траеле“.

Ви носиме листа на витамини и суплементи, за кои е докажано дека му носат корист на имунитетот, па не заборавајте да ги набавите, односно да ги користите.

1. Пробиотици

Бактериите во дигестивниот систем може да се поделат на „корисни“ бактерии, т.е. пробиотици и „штетни“ бактерии. „Корисните“ бактерии ни помагаат повеќекратно: од варење на храната што ја јадеме, преку спречување на растот на штетните бактерии (се натпреваруваат со нив за местото и храната) до севкупното позитивно влијание врз нашиот имунолошки систем. Значи, пробиотиците се нарекуваат и бактерии на млечната киселина, тие се живи микроорганизми, кои кога се консумираат во соодветна количина, имаат корисни ефекти врз здравјето на домаќинот.
Со оглед на тоа што позитивно делуваат на варењето, позитивно делуваат и на имунолошкиот систем. Со спречувањето на населувањето на патогените микроорганизми во цревата, тие позитивно влијаат на цревниот имунолошки систем, кој е одговорен за дури 70-80 отсто од нашиот имунолошки одговор. Проботиците можат да ги намалат шансите да настинете.
Каде да ги најдете: Јогурт, кефир, зелка, супа Мисо, ацидофилно млеко.

2. Цинк

Цинкот е неопходен за правилен раст и размножување на клетките што учествуваат во имунолошките реакции. Ако се земе на самиот почеток на настинката, може да го скрати нејзиното времетраење, истакнуваат лекарите. Сепак, тие истакнуваат дека треба да се биде внимателен кога се користи цинк, бидејќи може да донесе нуспојави како гадење и дијареја, особено ако се зема на празен стомак. Тие додаваат дека треба да се избегнуваат спрејови за нос што содржат цинк, бидејќи можат да предизвикаат неповратно губење на мирисот.

Кога се зема правилно, може да помогне за здравјето на имунолошкиот систем: кога вирусот ќе влезе во крвотокот, цинкот продира во оштетената клетка и го спречува ширењето на инфекцијата.

Каде да го најдете: Еден од најдобрите извори на цинк во исхраната е црвеното месо. Консумирањето на околу 100 грама црвено месо може да задоволи дури 25 отсто од вкупните дневни потреби за цинк. Спанаќот, ракчињата, гравот, карфиолот и ленените семки се исто така одлични извори на цинк.

3. Витамин Ц

Овој витамин го зголемува производството на Б-лимфоцити, а го спречува влошувањето на Т-лимфоцитните клетки, а тоа се важни клетки на антителата, кои се одговорни за откривање и борба против вирусите во телото.
Витаминот Ц е проследен со бројни позитивни приказни поради неговото влијание врз настинките, но некои лекари истакнуваат дека неговото влијание е послабо отколку што мислите. Се покажало дека го скратува времетраењето на настинката кога се зема редовно и може да помогне во имунитетот, но истражувањата покажуваат дека овој витамин не е толку ефикасен во спречувањето на настинки кај општата популација. Со сите споменати критики, експертите сепак заклучуваат дека витаминот Ц го скратува времетраењето на настинката ако редовно се користи, а и нејзините симптоми.

Каде да го најдете: Цитрусното овошје како портокали, грејпфрут и лимони содржат големи количини на витамин Ц. Други извори може да бидат пиперката, брокулата и кељот.

4. Витамин Д

Витаминот Д е специјален витамин бидејќи се формира кога кожата е изложена на сонце. Освен другите функции, овој витамин го штити и имунолошкиот систем. Кога сме болни, витаминот Д му помага на телото да произведе антимикробни пептиди, кои ќе го спречат развојот на штетни бактерии, микроби и вируси. Исто така е важен бидејќи ја регулира работата на Т-клетките. Според анализата на студиите, витаминот Д во форма на додаток го намалува ризикот од развој на настинки и грип.

Каде да го најдете: Витаминот Д се апсорбира преку сонцето, па најдобар начин за внес на овој витамин е да бидете изложени на сончевите зраци. Можете да го најдете во печурките, мрсната риба како лососот и туната.