Според ЕСПН, семејството Бас е во преговори за продажба на мнозински удел во НБА кошаркарскиот клуб Лос Анџелес лејкерс.

Изворот додава дека семејството Бас ќе го продаде својот мнозински удел на милијардерот Марк Волтер, кој веќе поседува акции во клубот.

Волтер има и удели во Лос Анџелес Доџерс (бејзбол), Лос Анџелес Спаркс (WNBA), Кадилак (Формула 1) и Купот „Били Џин Кинг“.

ЛА Лејкерс ќе бидат продаден за рекордни 10 милијарди долари (8,7 милијарди евра), сума што би ги направила Лејкерси најскапиот тим во историјата на американскиот спорт.

Иако Џини Бас ќе остане претседател, овој договор го завршува 47-годишното владеење на нејзиното семејство на чело на еден од најпопуларните НБА тимови што освои 17 шампионски титули.

Во 1979 година, покојниот Џери Бас ги купи Лос Анџелес лејкерс (НБА), Лос Анџелес Кингс (НХЛ), кошаркарската сала „Форум“ и 52 квадратни километри земјиште во Невада за 67,5 милиони долари од Џек Кент Кук.