Најново истражување открива: Зошто медот и лимонот се најпопуларнo решениe за настинки во 2024
Неодамнешното истражување покажа дека пијалокот со мед лимон, гаргара со солена вода и капењето станаа најпопуларните домашни лекови против настинки во 2024 година.
Препорачано
Според истражувањето на две илјади возрасни лица, третина од испитаниците повеќе се потпирале на овие третмани отколку претходната година, пренесува „Експрес“.
Списокот на популарни домашни лекови вклучува и пилешка супа, чај од ѓумбир и консумирање чешниња лук.
Истражувањето покажа дека речиси половина од испитаниците се убедени дека овие лекови навистина помагаат, додека 65 отсто од нив прибегнуваат кон овие третмани кога се чувствуваат лошо.
Пиењето топла вода со мед и лимон се смета за најефективен медицински пијалок (48 отсто), додека гаргарањето со солена вода е на второ место со 20 отсто, а чај и алкохолен пијалок се на трето место со 19 отсто.
Интересно е тоа што повеќе од една третина од луѓето се убедени дека овие лекови се пренесуваат од генерација на генерација, а ако лекот се покажал успешен во минатото, 48 отсто од испитаниците се склони да го користат повторно. Иако овие лекови се широко користени, експертите предупредуваат на претпазливост.
Некои од нив, за жал, се само бајки на бабите кои се пренесуваат низ генерации, па можат да бидат помалку ефективни отколку што се мисли.
Иако многу луѓе ги користат овие домашни лекови, 43 отсто од испитаниците тврдат дека тешко го препознаваат типот на кашлица што ја имаат, додека 80 отсто од нив признаваат дека тоа им отежнува да одлучат кој лек да го купат.
Меѓу најчестите типови на кашлица е сува и иритирачка. Раните симптоми на кашлање вклучуваат често иритирање на грлото и промени во тонот на гласот, додека повеќе од 40 отсто од луѓето не препознале воспалено грло како прв знак на кашлање.
Кога ќе се појави кашлица, 30 отсто од луѓето се потпираат на природни лекови, додека четвртина користат лекови без рецепт.
Експертите предупредуваат дека е важно да се препознаат првите симптоми на кашлица, за да се избегне дополнително влошување и непријатност во студената сезона, пренесува „Express“.
