Постои дебата за тоа дали постои само еден тип на интелигенција што може да се мери со тестови или дали има повеќекратна интелигенција, како што предложи психологот од Харвард, Хауард Гарднер.

Вистина е дека понекогаш интелигенцијата треба да се квантифицира, а некои тестови можат да ги одредат интелектуалните способности и потенцијалот на една личност. Тие не се фокусираат на знаење, туку на когнитивни вештини како што се расудување, логика и решавање проблеми.

Следниве познати личности можат да се пофалат со многу висок коефициент на интелигенција.

Мет Дејмон: IQ од 160

Дејмон студирал англиска литература на Харвард. Сепак, при крајот на студиите решил да го напушти универзитетот и да се посвети на актерството, пишува веб-страницата „Брајт Сајд“.

Квентин Тарантино: IQ од 160

Се проценува дека познатиот режисер кој се прослави со филмовите како „Ефтини приказни“ и „Улични кучиња“ има коефициент на интелигенција 160.

Тарантино го напуштил средното училиште затоа што, според него, единствениот час што му се допаѓал бил историјата бидејќи го потсетувал на филмови.

Кејт Бекинсејл: IQ од 152

Актерката, која глуми во блокбастери како „Перл Харбор“ и „Подземје“, студирала современи јазици на Оксфорд пред да се занимава со глума.

Таа откри дека направила тест за интелигенција кога била помлада и имала оценка 152. Сепак, како што истакнала, тоа не ѝ помогнало во светот на шоу-бизнисот.

Силвестер Сталоне: IQ од 160

Според различни извори, акционата ѕвезда има коефициент на интелигенција од 160, што значи дека припаѓа на 0,1% од популацијата со супериорна способност за логично размислување, брзо размислување и брзи реакции.

Овој коефициент на интелигенција е ист како оној што му се припишува на научникот Алберт Ајнштајн.

Ештон Качер: IQ од 160

Малку е иронично што повеќето од ликовите што Ештон ги играл во ситкомови генерално не блескаат со својата интелигенција.

Меѓутоа, во реалниот живот, тој има проценета когнитивна способност од 160 поени.

Надвор од својата актерска кариера, Качер се занимаваше со хуманитарна работа и исто така инвестираше во технолошки стартапи пред да станат успешни, како што се „Uber“ и „Spotify“.

Мерлин Монро: IQ од 165

Според неколку извори, легендарната актерка имала коефициент на интелигенција од 165, што ја става над Алберт Ајнштајн. Иако немала формално образование, успехот што го постигнала во кариерата е непобитен.

Роуан Аткинсон: IQ од 178

Комичарот, познат по улогата на Мистер Бин, студирал електротехника и електроника на Универзитетот во Њукасл, а подоцна магистрирал по електротехника на Квинс колеџот, Оксфорд.

Аткинсон има коефициент на интелигенција од 178, што речиси се совпаѓа со оној на Леонардо да Винчи, кој се проценува дека имал коефициент на интелигенција од 180, пишува „Сити магазин“.