Рафаел Надал изненадувачки беше поразен доцна синоќа во осминафиналето на АТП турнирот во Вашингтон (САД) од Лојд Херис.

Херис кој доаѓа од Јужна Африка го елиминираше Шпанецот со резултат 2:1 во сетови 6:4, 1:6 и 6:4 за два часа и 11 минути игра.

50 играч на светот за пласман во полуфиналето ќе игра против Јапонецот Кеи Нишикори кој со 2:1 беше подобар од Камерон Нори (Велика Британија).

Надал се подготвува за настапот на последниот грен слем годинава, „УС Опен“ во Њујорк, а претходно ќе учествува уште во Торонто и Синсинати.

Познати се и останатите четвртфинални средби на турнирот во Вашингтон, МекДоналд ќе ги одмери силите против Кудла, Синер против Џонсон, а Милман со Бруксбај.