Доколку од минатата година имате крем за сончање што не сте го отвориле, а стоел на темно и ладно место, тогаш можете слободно да го користите.

Обично, неотворените кремови можат да траат две години.

Во секој случај, проверете го рокот на траење, бидејќи не можете да знаете колку долго стоел во продавницата пред да го купите минатата година.

Ако кремот за сончање сте го отвориле минатата години и сте го користеле, тогаш мора да бидете претпазливи. Погледнете на факторот што пишува – колку долго може да се чува по отворањето – обично е шест или 12 месеци (6М, 12М).

Доколку забележите дека структурата на кремот е променета, се одвојува или има чуден мирис, веднаш фрлете го – во никој случај не нанесувајте го на кожата. Во најдобар случај, нема успешно да ве заштити од сонцето, а во најлош случај – ќе ја иритира кожата или дури ќе предизвика алергиска реакција.