На сцената на Театар „Сенки и облаци“ ќе биде изведен перформансот „Ова сум јас? Кои сме ние?“
Перформансот „Ова сум јас? Кои сме ние?“ е истражување на телесната/ движечка експресија, чија инспирација е македонското поетско творештво.
Препорачано
Двајцата перформери – Енџи Николоска и Бојан Лазаров ќе го истражуваат поставувањето и изразувањето на телото во простор – индивидуално и заеднички преку танцово-театарски методи.
Преку себеистражување до пронаоѓање на нови начини на комуникација и пренесување на јасна порака и емоција преку телото, односно специфичен сценски јазик за дијалог со гледачот, овој уметнички резиденцијален престој ќе резултира во перформанс.
Перформансот произлезе од програмата „Допри“ за резиденцијален престој во Театар „Сенки и облаци“.
Изведбата на перформансот ќе се одржи на 22 март (петок), со почеток во 20 часот, во Театар „Сенки и облаци“ (ул. Мирослав Крлежа бр. 67, Дебар Маало). Цената на билетот е 250 денари. Бројот на места е ограничен и задолжително е пријавување во порака на Фејсбук-профилот на театарот.
