Американската Академија за филмски уметности и науки ќе бара од учесниците на 94-тото доделување на Оскарите да покажат докази за вакцинација против коронавирусот и најмалку два негативни ПЦР-теста, објави „Њујорк тајмс“.

Изведувачите и водителките ќе мора да поминат строги тестирања, но нема да мора да покажат доказ за вакцинација, наведува портпаролката на Академијата.

Доделувањето на престижните награди ќе се одржи на 27 март, а номинираните и нивната придружба ќе бидат сместени во делот за оркестар и партерот на театарот „Долби“, па нема да мора да носат маски.

Оние кои ќе седнат на мезанинот најверојатно ќе мора да носат маски, бидејќи ќе бидат сместени многу блиску еден до друг.

Во „Долби“ ќе бидат поканети 2,500 луѓе.

Актерките Ејми Шумер, Реџина Хол и Ванда Сајкс ќе бидат водители на овогодинешното доделување на Оскарите, што ќе биде првпат три жени да ја водат оваа престижна манифестација.

Објавени номинациите за Оскари 2022: Филмот „The Power of the Dog“ со 12 номинации

Објавени номинациите за Оскари 2022: Филмот „The Power of the Dog“ со 12 номинации