Најголемите и најубавите изненадувања се оние кои најмалку ги очекуваме. Еден неименуван жител на Нотингем, од американската држава Мериленд, доживеал еден таков момент откако ѝ помогнал на мајка си да го премести мебелот во куќата.

Среде работа пронашол пет инстан лозови за гребење кои неговата мајка ги купила неколку месеци претходно – како подарок за семејството, но целосно ги заборавила, пренесува „Пипл“.

Мажот ги изгребал инстант лозовите, а еден од нив бил добитен. Тогаш сфатил дека освоиле 50.000 долари (околу 44.000 евра) и возбудено ги повикал мајка си и сопругата.

„Дали ова навистина се случи“, рекла возбудената жена откако дознала дека еден од инстант лозовите вредна пет долари е добитен.

Човекот бил пресреќен кога сфатил дека не се работи за шега, а подоцна се јавил во лотаријата на Мериленд и ја потврдил добивката. Тој изјавил дека парите ќе ги искористи за својата куќа и да ѝ го врати долгот на мајка му.

„Значи, таа ќе добие повеќе пари“, рекол нејзиниот син.

Од друга страна, мајката откри дека нејзиниот дел од наградата ќе го подели со своите деца и внуци. Лотаријата испратила бонус од 500 долари до продавницата што го продала добитниот инстант лоз.