Во Ефорие Норд, во Романија денеска се одигра третото коло од Европското индивидуално првенство кое започна со едно минутен молк за оддавање почит на настраданите во трагичниот настан во Кочани.

Шаховската федерација на Македонија упатува благодарност до своите пријатели од Европската Шаховска Унија.

Шаховската федерација на Македонија со длабоко жалење изразува сочувство до семејствата на настраданите и желба за побрзо закрепнување и оздравување на повредените од трагичниот настан во Кочани, каде 59 млади луѓе го загубија животот и над 150 се повредени.

Воедно од федерацијата се апелира до сите клубови да ги откажат планираните шаховски турнири и натпреварувања во согласност со прогласената 7 дневна жалост во земјата.