Последните детали од дневникот на Ана Франк се повеќе од емотивни, пишува „Стил“.

Последниот датум што Ана Франк го напишала во својот дневник бил 1 август 1944 година. На тој ден, меѓу другото, таа напиша:

„Како што претходно ви напишав, јас имам двојна личност. Едната половина ја отелотворува мојата прекумерна веселост, шегување со сè и секого, ведар дух и, пред сè, тоа што сè сфаќам со леснотија… Оваа страна обично ја демне и ја потиснува другата, што е многу подобра, подлабока и почиста. Мора да разберете дека никој не ја знае подобрата страна на Ана и затоа сум неподнослива за повеќето од нив“.

Ана не ни претпотавувала дека никој нема да ја запознае нејзината подобра страна, бидејќи на 4 август 1944 година, тајната полиција Гестапо упаднала во нивното засолниште и ги испратила сите станари, но и пријателите кои им помагале, во концентрациони логори.

Само таткото на Ана, Ото, ги преживеал ужасите во логорот, а негова заслуга е што дневникот на Ана бил објавен на холандски јазик во 1947 година под наслов „Последната куќа“.

Седум месеци по нејзиното апсење, Ана Франк починала од тифус во концентрациониот логор Берген – Белзен, во деновите кога умрела и нејзината сестра Маргот Франк. Нивната мајка Едит Франк починала еден месец пред нив, од истоштеност и глад.

Оригиналната верзија на „Дневникот на Ана Франк“ се чува во холандскиот институт за воена документација.

Покрај дневникот, Ана напишала и неколку раскази и почеток на новела, кои биле пронајдени по рацијата на Гестапо. Сите дела на Ана Франк биле објавени на англиски јазик во 1959 година.

Името на Ана Франк стана познато седум години по нејзината смрт во нацистички концентрационен логор. Нејзиниот дневник, напишан во криење, стекна светска слава откако беше објавен на 30 април 1952 година.

ВИДЕО | Единствената сочувана снимка на Ана Франк, девојчето чиј дневник е симбол на страдањата на Евреите