на денешен ден
На денешен ден / Фото: Инстаграм

На денешен ден – 27 август: Починал Ле Корбизје, славен француски архитект, сликар, вајар и пистел познат е како соосновач на пуризмот

1896. Почнала и се завршила Англиско-занзибарската војна, најкратката војна во историјата на војните. Таа се водела меѓу Обединетото кралство и Занзибар на 27 август и траела меѓу 38 и 45 минути. Војната избила откако султанот Хамад ибн Туваини, кој соработувал со колонијалните власти, умрел на 25 август, а енговиот внук Халид ибн Баргаш ја презел власта со државен удар. Британците го сакале на таа положба Хамуд ибн Мухамед, за кого верувале дека е полесен за соработка. Откако Баргаш ја одбил абдикцијата и почнал војна, Британците нападнале и за кратко време го уништиле неговиот брод и палатата, Баргаш побарал азил во германскиот конзулат, а војната за кратко време била завршена.

1965. Починал Ле Корбизје, славен француски архитект со швајцарско потекло, чие вистинско име било Шарл-Едуард Шанере-Гри. Покрај архитект тој бил и теоретичар на архитектурата, урбанист, сликар, вајар и пистел, а познат е како соосновач на пуризмот. Во 1929 година кога се враќал од Јужна Америка во Европа, Корбизје се сретнал со американската актерка и танчерка Џозефин Бејкер и ѝ направил неколку скици од нејзиното голо тело.

1941. Родена е Цезарија Евора, јужноафриканска пејачка. Позната била под прекарот „Босата дива“, затоа што на своите концерти настапувала без чевли. Како мала била оставена во дом за сираци, бидејќи мајка ѝ не можела да се грижи за неа по смртта на татко ѝ. Пеела во хорот од домот за сираци, а на 16 години почнала да пее коладеирас и морнас песни, кои се карактеристични по својот мелос на тага и копнеж. Прогласена била за „кралица на морнес песните“. Во 1988 година доживува светски успех со албумот „La Diva Aux Pieds Nus“ од кој излезе песната „Sodade“ нејзиниот меѓународен хит. Во 2002 и 2006 година има настапувано во Македонија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот