На Барон Трамп, синот на американскиот претседател Доналд Трамп, од безбедносни причини му е забрането да им го дава бројот на мобилниот телефон на своите колеги од факултет, па со нив комуницира на друг начин.

Тој студира на школата за бизнис на „Њујорк јуниверзити Стерн“ од минатата година. Агентите на тајната служба се постојано со него. Бидејќи не може да комуницира со нив преку телефон, Барон претходно побарал од колегите да се допишуваат преку платформата Дискорд, а сега се во контакт преку гејминг конзолата Икс Бокс.

„Тоа е неговата комуникациска платформа по избор“, изјавил извор за „Пејџ сикс“.

„ТМЗ“ претходно објави дека Барон „едвај постои“ на кампусот. Тоа што е опкружен со агенти на Тајната служба му го отежнува создавањето пријатели.

Претседателот на Соединетите Американски Држави неодамна ги пофали и за технолошките вештини на својот син, со што насмеа многумина.

„Го исклучувам неговиот лаптоп и се враќам пет минути подоцна и гледам дека повторно го вклучил. Го прашав: ‘Како го направи тоа?’ на што тој одговорил: „Не се мешај, тато“.

ВИДЕО | Барон Трамп го украде шоуто на инаугурацијата на Трамп, се ракуваше со Џо Бајден