Хрватската пејачка Алка Вуица ја започна својата кариера во осумдесеттите години од минатиот век, а со својот изглед, како и со својот љубовен живот, честопати привлекуваше големо внимание.

Вуица денес полни 64 години, а на својот роденден слави и 40 години од својата кариера во големата загребска Шалата и подготвува концерт за паметење со пријателите за кои ги напишала најголемите музички хитови, меѓу кои Северина, Јосипа Лисац, Нина Бадриќ, Борис Новковиќ, Младен Грдовиќ, Владо Калембер, Нено Белан, Жељко Бебек и Санди Ценов.

На музичката сцена на поранешна Југославија, Алка не само што пееше, не само што пишуваше – таа стана нечија инспирација, а потоа знаеше како да го преточи тоа во песни што честопати ги прославуваа другите, пишува Net.hr.

Зад многу хитови што секој слушател на регионална музика ги знае, стојат вистински емоции. И вистински луѓе. Двајца од нив засекогаш останале врамени во нејзината кариера и биографија: Момчило Бајагиќ Бајага и Горан Бреговиќ.

Хрватската пејачка имала само 18 години кога се запознала со Бајага, а како што објавија медиумите, биле заедно четири години. Бајага бил нејзина младешка опсесија. Нему му пишувала песни, му праќала стихови како љубовни писма. Во еден поткаст на RTL, таа раскажа дека еден на друг си праќале стихови наместо пораки.

„Додека бевме разделени, често се допишувавме со песни. Тој мене, јас нему. Резултат? Песната „Где Дунав љуби небо“, испеана од Јосипа Лисац, е создадена од нивната поезија и емоциите на Алка. Тоа била љубов без скандали, но полна со неизговорено, објасни Алка, која вели дека сè уште контактира со Бајага.

„Имаме одлични односи, Момо ми е голем пријател. Се слушаме, се гледаме кога можеме. Многу сум среќна што ги задржав луѓето што ги сакав во мојот живот, бидејќи верувам дека љубовта е енергија што не исчезнува, туку се претвора во нешто друго. Можеби заљубеноста може да исчезне, но вистинската љубов не, таа останува засекогаш“.

Алка се занимавала и со новинарство, а кога во една прилика отишла во Сараево да направи интервју со Горан Бреговиќ, се пишуваше дека тој ѝ рекол: „Не си дошла поради интервју, туку поради брак“.

Тогаш меѓу нив почнале јавни прозивки, поради што се шпекулирало дека биле во тајна врска која, очигледно, не завршила среќно. Бреговиќ наводно ѝ ја посветила песната „Pediculus pubis“ на Вуица, што на латински значи „срамни вошки“. После ова долго време не разговарале.

„Бев заљубена во него, а кој не беше? Му пишував писма, песни… но останавме пријатели“, рече таа во една прилика.

Нивната врска била бурна, преполна со напнатост и иронија, а за тоа дека тој наводно ѝ ја посветил песната „Pediculis pubis“ таа со насмевка вели дека тоа не е точно.

„Бреговиќ никогаш не излезе од моето срце и мојата душа“, призна таа во една пригода.

Алка Вуица неодамна отворено проговори за фактот дека речиси сите нејзини партнери ја изневерувале.

-Многупати простував изневерувања. Мислам дека сите мои дечковци ме изневеруваа. Имав бурен живот, но интересен. Ги сакам таквите измамници, очигледно. Рокерите порано беа „фаци“, во мое време. Денес, попрво би избрала музичар отколку фудбалер. Ги сакам, ние сме друг народ. Кога ќе ја земе гитарата и ќе ми засвири…“, откри таа во емисијата „AmiG ​​Show“.

Но еден маж е поголем од сите нејзини љубови

Синот Аријан е нејзиниот универзум. Тие раснеле заедно, често на патувањата, зад сцената, на турнеи, помеѓу Лондон и Загреб, во енергичниот свет на мајката која му пишува стихови на Бајага, пие кафе со Брега и се дружи со „Дуран Дуран“.

Најлудите епизоди од тој младешки период, еднаш рекла, не смее ни да ги каже, бидејќи, како што вели:

„Мојот син би ме дисквалификувал од родителство“.

 

View this post on Instagram

 

A post shared by Alka Vuica (@alka.vuica)