Кошаркарите на МЗТ Скопје Аеродром и актуелни шампиони на Македонија имаа успешен старт во плеј-офот на шампионатот. Серијата се игра до три победи.

Денеска „металците“ лесно и убедливо со резултат 81:58 триумфираа над екипата на Феникс 2010.

Најефикасен во победничкиот тим беше Дамјан Стојановски со 17 поени, следен од Милош Копривица кој имаше дабл-дабл учинок од 15 поени и исто толку скокови.

На спротивната страна Адетукаси реализираше 12 поени.

Во другите мечеви од четвртфиналната плеј-оф серија: Работнички – Пелистер 67:64, МКК Куманово – Кожув 85:73 и ТФТ – Чаир 2030 85:68.