Играчите предводени од тренерот Александар Петровиќ се финалисти на „Земун купот“ кој се одржува во Белград, Србија.

МЗТ Скопје Аеродром во полуфиналниот натпревар триумираше над Борац Бања Лука од Босна и Херцеговина со убедлив резултат 85:66.

После победите над грчкиот Арис и српскиот Здравље Лесковац, ова е трет триумф по ред за македонскиот шампион во подготвителниот период, до кој дојдоа со агресивна одбрана и ефикасен напад.

Најефикасен кај „сино-белите“ беше Самет Јигитоглу со 17 поени, Мајк Кафи реализира 13 поени, Страхиња Миќовиќ 11 поени, а Еван Максвел 10 поени.

Денеска од 20.00 часот МЗТ во битката за трофејот ќе ги одмери илите против организаторот на турнирот, Младост Земун кој беше подобар од Вршац.