Во својот втор натпревар оваа сезона во АБА 2 лигата кошаркарите на МЗТ Скопје Аеродром загубија на гостувањето кај Цедевита Јуниор со 77:75.

Актуелниот македонски шампион пропушти убава шанса да слави против хрватската екипа, откако на стартот од второто полувреме имаше предност и од „плус 16“ (52:36), но истата во понатамошниот период почна постепено да се топи.

Скоро во текот на целиот меч играчите на тренерот Васко Атанасов беа во позитива, но во самиот финиш домаќините успеаја да се изборат за продолжение. А во додатните пет минути тимот на Цедевита Јуниор беше подобар со 9:7.

За МЗТ најефикасен беше Едвин со 26 поени (шест скокови), следен од Слај кој запиша 20 поени.

На табелата МЗТ е на второто место во групата А со три бодови. Следниот меч нашиот првак во ова натпреварување ќе го има на 23 октомври на домашен терен против Хелиос Домжале од Словенија.