Актуелниот бранител на шампионскиот трофеј, екипата на МЗТ Скопје Аеродром направи уште еден, втор чекор на пат кон големото финале на плеј-офот и одбрана на титулата во Првата македонска кошаркарска лига.

Скопските „сино-бели“ беа уште еднаш подобри од кумановските, кои оставија многу подобар впечаток во СЦ „Јане Сандански“, но не го изненадија фаворизираниот тим од Аеродром (82:76).

Домaќинот ја доби првата четвртина со 23:21, а одлични шутерски моменти во тој дел од играта, кога станува збор за гостинската екипа, имаше Димитриевски кој ги погоди сите три обиди вредни по три поени. Но, и МЗТ имаше 50% на успешност од таа позиција (5/10) во тие 10-12 минути од играта во кои поведе со 28:23. До полувремето, таа позитива „порасна“ на (50:41).

Во третиот период, МКК Куманово ја намали негативата на 62:65, за дел од мечот биде затворен со нешто повисоки 67:62 за „металците“.

Во оној последниот, во рок од пет минути, МЗТ Скопје направи серија од (12-2) дојде и до највисок плус (79:64), но во оној преостанат дел гостите не се предадоа.

Направија своја серија (12:3), анулираа девет поени од таа висока негатива (76:82), но време за пресврт немаше. МЗТ води со 2:0 во оваа полуфинална серија која за неколку дена се сели во Куманово. Кај победникот Едвин реализираше 22 поени, потоа 12 запиша Крстевски, а уште 10 додаде Андоноски, кој успешно го замени недоволно закрепнатиот Маслинко.

Во гостинската екипа, Димитриевски имаше 22 поени поени, Радукиќ го следеше со 17, додека Петровиќ забележа 14.

ПРВА ЛИГА – МАЖИ

ПОЛУФИНАЛЕ – ВТОР НАТПРЕВАР

МЗТ СКОПЈЕ АЕРОДРОМ – МКК КУМАНОВО 82:76 (2-0)

14.МАЈ (СРЕДА)

19.00 часот: ТФТ – Работнички (1-0)