Секторот за внатрешни работи (СВР) денеска поднесе кривична пријава до Основното јавно Обвинителство (ОЈО) Битола против М.В. (33) поради основано сомнение за сторено кривично дело „злоупотреба на службената положба и овластување“ по чл. 353 од КЗ на РСМ и „фалсификување на службена исправа” по чл. 361 ст.1 и 2, против Г.Ч. (60) поради основано сомнение за сторено кривично дело „злоупотреба на службената положба и овластување“ по чл. 353 од КЗ на РСМ и против А.В. (33) од Белград, Србијa, сопруга на првопријавениот, поради основано сомнение за сторено кривично дело „надрилекарство” по чл. 209 и кривично дело „непостапување според здравствените прописи за време на епидемија” по чл. 206 од КЗ на РСМ.

– Првопријавениот и второпријавениот, како доктори гинеколози во ЈЗУ Клиничка болница-Битола, пречекорувајќи ги своите посебни овластувања во вршење на должноста и овозможиле на третопријавената на 1 јануари во 2020 година, без соодветна лиценца за работа издадена од Лекарска комора на РСМ, да даде медицинска помош-изврши оперативна интервенција, породување со царски рез во ЈЗУ Клиничка болница Битола – операциона сала на Одделение за гинекологија и акушерство врз родилка. По завршувањето на интервенцијата, првопријавениот во оперативниот дневник внесол невистинит податок, односно во графата податоци за оператор ги внесол своите податоци и податоците на второпријавениот, а од стариот оперативен дневник отстранил страници на кои третопријавената ги запишала извршените оперативни интервенции на 01.01.2021 година, наведуваат од СВР Битола.

Скандал во битолската гинекологија: Невработено лице изведувало операција врз пациент