По повод чествувањето на денот на сесловенските и македонски просветители, светите Кирил и Методиј, македонскиот бенд „Петар Марков квинтет“, ќе настапи на прославата организирана од Повардарската епархија, во црквата посветена на овие наши духовни горостаси во градот Велес.

Со овој настап бендот „Петар Марков квинтет“ ќе им оддаде почит на нашите просветители, кои со своето дело културно и духовно го задолжија светот. Целокупната културно-уметничка програма во црквата Св. Кирил и Методиј во Велес, ќе се случува на 23 мај со почеток во 20 часот.

Бендот „Петар Марков квинтет“ е во состав: Петар Марков – гитара , Павел Ренџов – тапани и перкусии, Давор Јордановски – пијано, Алекс Петковски – кавал и Симеон Будро – бас.

Комерцијален текст