Нашиот пејач, композитор и продуцент Роберт Билбилов е роден на 9 мај 1983 година. Тој компонирал уште од дванаесетгодишна возраст, а свири и на неколку инструменти. Талентот го наследил од неговиот татко, Хилми Билбил, кој е авторот на хитот „Бисер Балкански“.

Роберт буквално растел гледајќи го својот татко, кој воедно му бил пример за тоа како се твори и работи, а честопати го споменувал и тоа дека учел и од Дарко Димитров.

Роберт соработувал со многу музички имиња, тој е човекот кој бил од самите почетоци во кариерата на Тамара, Адријан и уште многу други, работел на албумите на Бојана Атанасовска, Ѓоко Танески, Слаткаристика, а на албумот на Елена Ристеска – „192“ свирел и виолина.

Се промовира со „Крив си сам“ на Снежана Џеповска, за набргу потоа да извади хитови кои останале да се слушаат до ден денес.

Во 2001 година на „Макфест“ излегува на сцена со Кристина Арнаудова и ја придружува со гитара. Всушност тој е композиторот на „Прашина“, која беше најслушана песна меѓу два фестивала. Прекрасниот текст го напиша Весна Малинова, која вели дека соработката со Роберт е прекрасна и кога се тим се оди брзо и лесно како вода.

Она што остави белег и служеше за добра промоција со сигурност е песната „Сега јас сум на ред“. Во 2004 на „Макфест“ учествува со Раде Врчаковски-Врчак со „Тајните Ангели“, а во 2006 ја отпеа „Избриши ги ти солзите“.

Низ годините продолжи да прави дуети и хитови како: „Лажи ме“, „Април“. „Темперамент“, „Сам се лажам“, „Јас те губам“, „Лице од насловна“, „Не можеш без мене“, „Себична“, „Ти си Виновна“ …

Во 2012-та година се посвети на неговиот втор албум, кој содржи 19 композиции, а продуцираше и музика со македонски и балкански диџеи.

Роберт и денес е активен и соработува едни од најголемите македонски музички имиња, иако одамна не се појавил на музичката сцена.

По овој повод, многу пријатели му го честитаа роденденот, меѓу кој и Кристина Арнаудова која до сега ја имаше најоригиналната честитка.