Мајлс (8), синот на пејачот Џон Леџенд (45) и манекенката Криси Тиген (38), има дијабетес тип 1, дијагноза која му била утврдена неодамна, по негова хоспитализација поради стомачна инфекција.

Имено, Тиген пред три дена сподели фотографија со ќерка ѝ Луна (6) и син ѝ Мајлс, за време на Олимписките игри во Париз, Франција. Тогаш нејзините следбеници забележаа дека момчето носи сензор за мерење а гликемија, па сега Тиген реши да ја објасни здравствената ситуација на момчето.

„Многу од вас забележаа нешто специфично на фотографијата која ја објавив пред неколку дена – Луна, Мајлс и јас како ја бодриме Симон и тимот на САД. Мајлс ја имаше кренато раката и многу од вас ме контактираа за да ми ги кажат најубавите зборови кои некогаш ги имам видено на оваа платформа.

Го забележавте сензорот за дијабетес тип 1 и ни испративте толку многу љубов и охрабрување. Одушевена сум од љубезноста на ова општество.

Пред неколку недели, нашиот Мајлс се разболе и беше во болница со страшен случај на шигела, цревна инфекција предизвикана од бактерија во водата или храната. Многу од неговите другарчиња беа болни, бидејќи беа во истиот камп. И добро, се случува тоа. Но, лекарите знаеја дека нешто друго не е во ред со резултатите од тестовите на крвта. Оттогаш научив дека на многу деца вака им е дијагностициран дијабетес тип 1 – кога одат на болница за нешто сосема друго.

По повеќе тестирања, дознавме дека тој е во почетна фаза со доживотен Т1. Синоќа, му ја дадовме првата доза инсулин. Поинаков, нов свет за нас и ние учиме многу во текот на ова патување.

Оваа објава е за да ви се заблагодарам за вашата љубезност. На Мајлс многу му помогна што знае дека и други луѓе минуваат низ истото и дека не е сам“, напиша таа на Инстаграм.