Во интересен и драматичен натпревар во текот на сите 60 минути, МРК Куманово го совлада РК Радовиш со 34:32 (15:17), во дуелот од првото коло на новата машка ракометна Супер Лига.

Ова е прва победа на новиот тренер Аце Станковски на клупата на Куманово, откако ова лето го презеде суперлигашот.

Најефикасни кај МРК Куманово беа Ончев со 10, Стојков со осум и Димевски со седум гола, додека во тимот на Радовиш се издвоија Постолов со девет и Каковски со седум гола.

Одлична партија имаа и двајцата голмани Трајковски и Михајловски кои имаа по девет интервенции.

Во следното коло МРК Куманово на 13 септември ќе гостува кај Прилеп, додека Радовиш ќе го пречека Бутел Скопје.