Актуелниот шампион во Мото ГП класата и возач на Јамаха, Фабио Квартараро триуфира на трката за Големата награда на Германија што се возеше во Сахсеринг.

Ова беше прв пат по пауза од девет години на трката за ГВ на Германија да слави возач што не се вика Марк Маркез, кој пак отсуствува од возбудувањата во Мото ГП поради операција на раката. За Квартараро ова беше трета победа сезонава, а вкупно 12 во „кралската класа“, а место на победничкиот подиум обезбедија уште и Жоан Зарко од Прамак Дукати и возачот на фрабричкиот тим на Дукати, Џек Милер.

Absolutely untouchable from the start ?@FabioQ20 wins the #GermanGP ?? pic.twitter.com/mDU7nSwTyy

— MotoGP™? (@MotoGP) June 19, 2022

Популарниот „Ел Диабло“ дилемите околу победникот ги реши во воведните кругови од трката, во првиот свиок го претекна Франческо Бањаја кој потоа во третиот круг ја загуби контролата врз моторо и падна што значеше крај на трката.

Оттогаш, Квартараро доминираше на патеката Сахсеринг, во седмиот круг го постави најбрзиот круг и дојде до 1.3 секунди предност пред Зарко.

Во финишот од трката, најголеми возбудување имаше во битката за третото место, Алеш Еспаргаро беше трет се до последниот круг кога погреши во првиот свиот и го препушти местото на победничкиот подиум на Милер.

По Еспаргаро, од петтото до десеттото место се пласираа Марини, Мартин, Биндер, Диџанантонио, Оливеира и Бастијанини.