Поранешниот претседател на Боливија, Ево Моралес, организираше прослава во Буенос Аирес со која ја одбележа годишнина од својот претседателски мандат.

Моралес, кој живее во егзил во Аргентина откога поднесе отставка во ноември минатата година, организираше прослава во средата вечер на спортски стадион во присуство на неколку илјади луѓе, пренесува „Ројтерс“.

Тој на собирот рече дека победил на спорните октомвриски избори и дека се борел за своите политики, како национализацијата на индустриските ресурси на Боливија.

– Тоа не беше лесен пат и беше потребно да се извршат длабоки промени. Им благодарам на присутните на овој важен настан, 14-годишнина од плуринационалната држава, што ме следите и што не ме напуштивте – рече Моралес.

Моралес во неделата го именуваше поранешниот министер за економија во неговата влада за претседател на неговото Движење кон социјализмот, додека го назначи поранешниот министер за надворешни работи за кандидат на претстојните претседателски избори кои ќе се одржат на 3 мај.

Иако победи на октомвриските избори, Моралес под притисок поднесе оставка во ноември по масовните протести на граѓаните поради наводни изборни нерегуларности.

Во вторникот, боливискиот Конгрес и официјално ја прифати неговата оставка.