Моника Левински даде бројни интервјуа во последните две децении, но ретко зборуваше за нејзината секс афера со тогашниот американски претседател Бил Клинтон.

Аферата се појави во јавноста на почетокот на 1998 година, а Моника сега се присети на трауматичното искуство што го доживеала тогаш, во интервју за „Гардијан“ (The Guardian).

– Јас бев нултиот пациент во губење на репутацијата на интернет – изјави Моника Левински на почетокот на разговорот.

Таа вели дека интернетот, иако во тоа време бил во зародиш, веќе бил многу суров и за жал имало многу луѓе кои ја навредувале и понижувале.

– Една вечер отидов да спијам како непозната личност, а следното утро целиот свет знаеше за мене. Тоа немаше да се случи без Интернетот – се присети Моника и додаде дека социјалните мрежи подоцна ѝ пружиле одредена поддршка.

Таа наведува дека добивала писма со поддршка додека била мета на бројни критики и тешки навреди.

– Во 1998 година од непознати луѓе можев да добијам поддршка само на старомоден начин, односно ако ми испратат писмо. Понекогаш најважниот момент на мојот ден беше да земам пошта. Тоа беше многу тажно. Имам пријателка која секогаш кога ќе се видиме таа само некако одмавнува со главата и вели: „Не можам да верувам дека сè уште си тука“. Многу сум благодарна за комбинацијата на позитивни и негативни особини што ми овозможија да преживеам – откри Моника.

Моника подоцна направи успешна кариера, стана заштитничка на жени жртви на злоставување и зазеде став против тоа. Покрај тоа, таа продуцираше и ТВ серија која зборува за скандалот со Бил Клинтон.