Четири момчиња, три од Скопје и едно од Битола, добија кривична пријава откако тепале и малтретирале малолетно девојче во скопски школски двор, а сето тоа и го снимале, по што на девојчето и му го украле телефонот, соопшти МВР.

„СВР Скопје поднесе кривична пријава против С.А.(18) од Скопје, М.Ј.(18) од Битола и еден малолетник од Скопје поради постоење основи на сомнение за сторено кривично дело „разбојништво“ и против Р.Ѓ.(19) од Скопје поради постоење основи на сомнение за сторено кривично дело „поттикнување“. На 05.02.2025 во кругот на средно училиште во Скопје, второ и третопријавениот физички нападнале малолетничка, четвртопријавениот ги поттикнувал, додека првопријавениот снимал со мобилен телефон, а потоа и го одзеле нејзиниот телефон“, пишува во полициското соопштение.