Основниот суд во Кавадарци му определи притвор во траење од осум дена на момче од 18 години кој се тепал со полицаец и му нанел телесни повреди. Момчето се сомничи дека сторил кривично дело – Спречување службено лице во вршење службено дејствие.

Двајца инспектори од МВР, на 2 мај,  влегле во куќа во Кавадарци за да фатат побегнат затвореник од КПУ Гевгелија, кој бил роднина на сега осомничениот, кој заедно со затвореникот давал отпор при обидот да биде лишен од слобода, ги нападнал полицајците, се нафрлил врз еден од нив, го влечел и го гребел, нанесувајќи му телесни повреди.

Од Основното јавно обвинителство информираат дека затвореникот успеал да се ослободи и да побегне, но подоцна бил фатен и вратен во затворот. Осомничениот исто така избегал, но бил лишен од слобода, а по предлог на јавниот обвинител му е одреден притвор.