Мохамед Салах е играч на годината во Премиер лигата во изборот на фудбалските новинари, а во женска конкуренција најдобра фудбалерка е Алесија Русо од Арсенал.

Салах, членот на Ливерпул ја освои наградата со 90 проценти од гласовите, што ја прави најубедливата победа на играч во овој век.

Египќанецот е само вториот играч кој три пати ја освоил наградата од новинарите за најдобар во сезоната, израмнувајќи се со легендата на Арсенал, Тиери Анри.

Салах постигна 33 голови за „црвените“ во сите натпреварувања оваа сезона, која сè уште не е завршена, од кои 28 беа во Премиер лигата, каде што ја освои својата втора шампионска титула.

Во овој традиционален избор учествуваат 918 новинари, а церемонијата на доделување на наградите е закажана за 22 мај.