Во првата епизода на емисијата „Мое лето“ на „Слободен печат“ наша гостинка е министерката за образование и наука, проф. д-р Весна Јаневска.

Министерката во опуштен амбиент ни раскажа како изгледале нејзините летувања кога била дете, каде патувале со семејството, но и кога првпат ја пуштиле од дома да оди на одмор сама, односно со другарките.

„Скопје има микроклима, изгор лето, кочан зима“ велат „Леб и сол“, а Јаневска сподели што ѝ се случило кога била млада девојка како последица на високите температури во Скопје.

– Требаше да поминам на плоштад, а јас млада девојка, облечена во летно фустанче и штикли од 10-12 сантиметри. Плоштадот тогаш беше со асфалт. Веројатно некаде околу пладне, јас се движам по асфалтот и штиклите ми пропаѓаат во асфалтот. Така што, температури од 42 степени во Скопје не се нешто ново – вело Јаневска за „Мое лето“ на „Слободен печат“.

Гледајте ја првата епизода на „Мое лето“ вечерва со почеток во 19 часот на јутјуб-каналот на „Слободен печат“.
Низ емисијата ќе ве води Александра Вуксановиќ.