Меланија Трамп уште еднаш докажа дека модата е нејзин најсилен адут, но овој пат не преку раскош и гламур, туку преку воздржана елеганција и суптилна порака. Првата дама на САД за Денот на независноста избра минималистичка елеганција и суптилни патриотски детали. Дали ова е почетокот на нејзината модна трансформација?

Таа ги отфрли раскошот и екстравагантноста во корист на промислената едноставност, но не ги заборави деталите што оддаваат почит на земјата што ја претставува. Меланија уште еднаш покажа дека е свесна за моќта на стилот, но и дека не се плаши да ги менува правилата на играта.

Суптилни патриотски детали

Додека во претходните години нејзините модни комбинации за оваа пригода се карактеризираа со светли бои, дезени и свечени кроеви, оваа година Меланија избра класичен бел фустан-кошула од американскиот дизајнер Том Браун. Фустанот е моделиран според легендарниот „New Look“ на Диор од 40-тите години, со нагласен струк, женствена силуета и лелеаво здолниште, но без ни најмало претерување. Дискретните ленти во боите на американското знаме, зашиени на струкот, привлекоа посебно внимание. Суптилен, но јасен патриотски детаљ.

Меланија го носеше овој фустан со неколку откопчани копчиња и подигнати ракави, што на целиот изглед му даде допир на опуштеност и пристапност, далеку од крутите и премногу формални изданија на кои сме навикнати. Наместо класични салонки, таа избра впечатливи црвени потпетици со „анимал принт“ на Маноло Бланик, додавајќи препознатлив моден печат на нејзиниот минималистички изглед.

Пуштената коса, природната шминка и речиси бели, „nude“ маникирани нокти го заокружија впечатокот за ненаметливата, но самоуверена елеганција на познатата Словенка.