Ако им се верува на сè погласните шпекулации од Њујорк, Џеф Безос планира да ја купи компанијата Конде Наст и легендарниот магазин „Вог“ – само за да ја направи среќна својата нова сопруга, Лорен Санчез.

Ако овие гласини се покажат како вистинити, светот на модата влегува во ера каква што никогаш порано не ја видел. Комбинацијата на најбогатиот човек на светот, поранешната новинарка која штотуку се појави на насловната страница на „Вог“ и повлекувањето на легендарната Ана Винтур од раководството на списанието, би можела да донесе најголем пресврт во историјата на модната индустрија.

Лорен на насловната, Ана во сенка – случајност или стратешки потег?

Познатата Лорен Санчез, нововенчаната госпоѓа Безос, овој месец се појави на дигиталната насловна страница на „Вог“ во венчаница од „Долче и Габана“ која лично за неа ја избра Ана Винтур – најмоќната жена во светот на модата, која штотуку се пензионираше од позицијата главен уредник по 37 години.

И додека официјални извори негираат дека е планирана каква било продажба, според „Дејли мејл“, вработените во модниот гигант „Конде Наст“ имаат поинакво чувство.

„Ова е единственото нешто за кое сите зборуваат“, рекол еден инсајдер.

„Лорен не е типична ѕвезда на насловната страница на „Вог“ – па затоа сите веруваат дека ова е дел од поголема стратегија. Некој се обидува да го „омекне“ Безос и да подготви терен за аквизиција.“

Безос како издавач? Ова не би бил неговиот прв чекор во медиумите

Џеф Безос не е странец во светот на издаваштвото. Да потсетиме дека во 2013 година го купи „Вашингтон пост“ за 250 милиони долари во готово, кршејќи ја семејната традиција на „Греам“ долга четири генерации.

Затоа дури и приказната за можно преземање на „Вог“ не изгледа како обична гласина. Особено ако се земе предвид дека вработените во Европа и Њујорк беа погодени од бранови отпуштања, додека британската филијала на „Конде Наст“ се пресели од луксузно седиште во простор на „ВиВорк“.

„Ова се класични знаци на подготовка за продажба“, рекол друг извор близок до редакцијата.

Дали Ана Винтур оркестрира сè?

Можеби најголемиот знак дека нешто навистина се случува е повлекувањето на Ана Винтур од позицијата главен уредник. Иако таа сè уште раководи со глобални операции, нејзината позиција како „лице на ‘Вог’“ – онаа што го инспирираше ликот на Мерил Стрип во „Ѓаволот носи Прада“ – повеќе не постои.

„Ана беше последниот уредник во светот со толку голема моќ. Сега кога сите редакции добија глобални директори, нејзиното заминување делува како сигнал дека нова фаза е на повидок. И ако таа има удел во компанијата, како што се претпоставува, има многу да добие од евентуална продажба“, вели изворот.

Друга интересна точка – директорката на европските операции на „Вог“, Наталија Гамеро дел Кастиљо, ненадејно поднесе оставка минатата недела – наводно поради реструктуирање, но колегите се сомневаат дека тоа всушност е поврзано со големи превирања во компанијата.

„Сите зборуваат за тоа дека ‘Вог’ ќе му биде продаден на Безос. Или ќе се затвориме или ќе станеме модна секција на ‘Амазон’“, саркастично рекол еден вработен.

ФОТО | Лорен Санчез е виновна за заминувањето на Ана Винтур од американскиот „Вог“?

ФОТО | Ана Винтур застана пред кралот Чарлс и конечно ги симна очилата: Сите со неверување гледаа во лицето на најопасната жена во светот на модата