Денеска во првиот натпревар за пласман во рамките од Президент купот на Светското првенство во Полска, македонската младинска машка ракометна репрезентација беше совладана од Мароко со 30:26.

Ова е веќе четврти пораз по ред за Македонија во својот четврти настап на Мундијалот.

После првото полувреме мароканската селекција имаше позитива од „плус два“ на семафорот (14:12).

Најефикасен со шест погодоци во нашата репрезентација беше Димитар Узунчев, а по пет голови реализираа Ненад Белистојаноски и Андреј Стојановски.

На спротивната страна прв стрелец беше Јунес Мансари кој запиша шест голови.

Следниот меч избраниците на селекторот Раде Стојановиќ ќе го имаат во вторник од 14.00 часот против Мексико во групата 3.