Најдобрите македонски фудбалери ја темпираат формата за новите квалификациски натпревар за пласман на Светското првенство во 2026 година.

Избраниците на селекторот Благоја Милевски на 6 јуни во Скопје ќе ја пречекаат Белгија, а три дена подоцна ќе гостуваат во Астана за мечот против Казахстан.

Меѓу повиканите во составот на Милевски е и напаѓачот Димитар Митровски кој вели дека јавноста може да очекува дека националниот тим ќе го даде најдоброто од себе против Белгија.

– Нѐ чека доста тежок натпревар, анализираме што треба да направиме. Јавноста може да очекува дека ќе го дадеме максимумот. Не можеме да се фокусираме само на еден меч, секој натпревар ни е важен, секој носи бодови, прво ќе мислиме на Белгија, а потоа на Казахстан. Сигурно ќе има некои промени, ќе видиме што ќе направиме, ние се надеваме на освојување бодови. Најмногу се посветува на псисихичкиот и тактичкиот дел, па се надеваме дека ќе изгледаме добро на теренот – рече Митровски.

Оваа сезона Митровски имаше одлични перформанси во дресот на хрватскиот клуб Вараждин, за изборот во идеалниот тим на хрватската фудбалска лига за сезоната 2024/25, избран од играчите и тренерите од лигата.

Дуелот помеѓу Македонија и Белгија ќе се игра на Националната арена „Тодор Проески“ во Скопје со почеток од 20.45 часот, а влезници можете да купите онлајн ТУКА