Голманот на ракометната репрезентација на Македонија, Никола Митревски, сезоната ја заврши со титула во португалскиот шампионат откако неговиот Порто на едно коло до крајот ја обезбеди првата позиција на табелата.

Порто во претпоследното 29. коло во португалскиот шампионат славеше со 34:18 како гостин против Агуас Сантас и ја обезбеди 23 шампионска титула во клупската историја. Порто на едно коло до крајот на сезоната има 85 бода, пет повеќе од Бенфика.

Митревски имаше добар настап на голот на Порто со девет одбранети шута кон својот голот за едно полувреме.