„Мислев дека нема да издржам“: Александра Пријовиќ побарала лекарска помош пред петтиот концерт во Загреб
![](https://www.slobodenpecat.mk/wp-content/uploads/2023/12/Александра-Пријовиќ-7.jpg)
Српската пејачка Александра Пријовиќ четири дена по ред пееше во Загрепската арена, а по еднодневна пауза го одржа и петтиот концерт пред хрватската публика.
Иако на синоќешниот концерт изјавила дека сака „шеста, седма и десетта Арена“ во Загреб, зад сцената нештата не биле идилични, пишуваат хрватските медиуми.
Како што откри на бината, пред синоќешниот концерт побарала помош од лекар, кој ѝ дал инфузија.
„Мислев дека нема да издржам, но издржав“, рекла Пријовиќ и му се заблагодарила на лекарот.
![](https://www.slobodenpecat.mk/wp-content/uploads/2023/12/Александра-Пријовиќ-8.jpg)
Маја Беровиќ и Дејан Матиќ ѝ беа музички гости на синоќешниот концерт, а од публиката ја бодрела нејзината свекрва Зорица Накиќ. Пејачката посебно ѝ се обрати и ѝ се заблагодари што го родила нејзиниот сопруг Филип Живојиновиќ.
Инаку, Филип е син на поранешниот тенисер Слободан Живојиновиќ – Боба, сопруг на музичката ѕвезда Лепа Брена.