Претседателот на Европскиот совет, Шарл Мишел го осуди нападот врз холандскиот новинар Питер Р. де Врис, кој се бори за живот по обидот за негово убиство во центарот на Амстердам.

„Тоа е злосторство против новинарството и напад врз нашите вредности на демократијата и владеењето на правото. Ние ќе продолжиме безмилосно да ја браниме слободата на говорот“ напиша Мишел на Твитер.

Heel veel sterkte en moed aan de familie en vrienden van #peterdevries

This is a crime against journalism and an attack on our values of democracy and rule of law.

We will relentlessly continue to defend the freedom of the press.

— Charles Michel (@eucopresident) July 7, 2021

Познатиот холандски новинар од рубриката Црна хроника се наоѓа во критична состојба откако во него беше пукано синоќа од огнено оружје во центарот на Амстердам.

Нападот се случи само неколку минути откако 64-годишниот Де Врис ја напуштил зградата на РТЛ каде учествувал во популарното телевизиско шоу „Булевар РТЛ”.

Полицијата потврди дека се приведени три лица осомничени за нападот.

Де Врис се стекна со слава уште во раните 80-ти години на минатиот век кога известуваше за киднапирањето на магнатот Фреди Хајнекен.

Холандски новинар кој истражувал криминал застрелан во глава, полицијата трага по сторителите