Мирисањето (душкањето) портокал или лимон двапати на ден може да помогне да се излекува губењето на мирисот, вообичаено поврзано со долгиот ковид.

Аносмија или губење на мирисот и вкусот, е чест долготрајен симптом кај оние кои биле заразени со коронавирус.

Додека многумина само привремено страдаат од губење на сетилото за мирис и вкус, други продолжуваат да страдаат од долг ковид – со нивните животи понекогаш ослабени од аносмија.

Сега, научниците тврдат дека може да има едноставен трик што ќе ви помогне да го вратите вашето сетило за мирис.

Студијата од тим на Универзитетскиот колеџ во Лондон (УЦЛ) за првпат откри дека луѓето со долга аносмија претрпеле форма на реконструирање на мозокот и може да користат метод наречен олфакторна обука за да помогнат во решавање на исцрпувачкиот проблем.

Обуката на мирисање е метод каде што лицето коешто има проблеми со мирисот работи на подобрување на препознавање на сетилата, при што научниците-истражувачи предлагаат да душкаат (мирисаат) во траење од 10 секунди од вообичаените мириси во домаќинството – како што се лимони, портокали, морско оревче, нане, кафе – двапати на ден.

Тие велат дека снимките со магнетна резонанца покажале дека оштетувањето на душкањето е резултат на промени во мозокот на заразените пациенти, поради кои два дела од мозокот се исклучени и неспособни правилно да ги обработуваат мирисите.

Неповрзаноста помеѓу орбитофронталниот кортекс и префронталниот кортекс било нарушено кај пациентите болни од долг ковид, а одредени мириси би можеле да помогнат да се поправи врската, пренесува британски „Телеграф“.

Д-р Џед Вингроув, водечки автор на студијата од УЦЛ, изјави за „Телеграф“: „Постојаното губење на мирисот е само еден од начините на кој ковид сѐ уште влијае на квалитетот на животот на луѓето – мирисот е нешто што го земаме здраво за готово, но нè води во многу начини и е тесно поврзан со нашата севкупна благосостојба. Нашата студија дава сигурност дека, за повеќето луѓе чие сетило за мирис се враќа, нема трајни промени во активноста на мозокот.“

Обуката со мирис може да биде од голема помош за луѓето кои долго страдаат од ковид да ги повратат своите способности на откривањето на мирисот.

„Нашите наоди го истакнуваат влијанието што ковид-19 го има врз функцијата на мозокот“, вели проф Клаудија Вилер-Кингшот.

Сликите на МРИ сугерираат дека повторното поврзување во мозокот, исто така, довело до тоа органот да го компензира губењето на мирис зајакнувајќи ги врските со другите делови од мозокот за кои се знае дека се поврзани со други сетила, како што е видот.

„Ова ни кажува дека невроните кои вообичаено би го обработувале мирисот сè уште се тука, но тие само работат на поинаков начин“, рекол д-р Вингроув.

Д-р Мет Лехнер, вонреден професор по хирургија на УЦЛ, рекол дека е важно пациентите кои долго време се жалат на губење мирис да бидат проценети во специјализирана клиника.

Студијата е објавена во списанието „еКлиникалМедисин“ (eClinicalMedicine).