Македонскиот репрезентативен напаѓач Бојан Миовски се наоѓа на чекор од трансфер во шкотскиот великан Ренџерс, пренесува шпанскиот „Мундо Депортиво“.

Двата клуба, Жирона и Ренџерс, веќе се договориле за отштета од три милиони евра, со можност таа да порасне до пет милиони преку предвидени бонуси. Миовски би требало да стави потпис на договор со важност од четири години.

Откако минатото лето пристигна во Жирона од Абердин за сума од 6,8 милиони фунти, македонскиот голгетер не успеа да се наметне во Ла Лига. Во 23 настапи постигна само четири погодоци, поради што каталонскиот клуб е подготвен да го пушти.

Иако, Жирона се обидуваше да ја врати барем вложената сума, сепак на крајот тоа изгледа нема да им успее.