Милиони Австралијци денеска останаа без мобилни и интернет услуги откако мобилниот оператор Oптус доживеа пад на системот. Oптус е вториот по големина провајдер во земјата, со повеќе од 10 милиони индивидуални клиенти и уште стотици илјади правни лица со кои работи.

Прекинот предизвика доцнење во сообраќајот, оневозможени болнички телефонски комуникации и платежниот систем, јавува Би-Би-Си. Причината за прекинот е непозната, а Oптус рече дека нема докази за сајбер напад и вети дека ќе ги обнови услугите до крајот на денот.

Министерката за комуникации Мишел Роланд рече дека ова е вознемирувачко утро за многу Австралијци и ја повика компанијата да биде транспарентна и „навремена“ во информирањето на клиентите. Компанијата Oптус минатата година претрпе хакерски напад што доведе до кражба на лични податоци од околу 10 милиони сметки, што е најголемиот ваков инцидент во Австралија, пренесува Танјуг.